هل انت راضي عن تخصصك الجامعي؟؟

بداية كل عام نواجه نفس اإستفسارات والأسئلة المتكررة من الطلاب المستجدين ومن اهم هذه الأسئلة هي حول التخصص...فالكثير من الطلاب يقومون بالتسجيل بالتخصص الذي يحصلون عليه عن طريق قوائم القبول الموحد..ومن ثم يحتارون هل يريدون هذا التخصص ام لا؟؟؟



[size=12]فهل جميع الطلاب راضين تمام الرضى عن التخصص؟؟[/size]



ام اجبروا عليه وهم لا يرغبون به لكنهم مستمرون فيه؟؟؟



اما يرودون تغيير تخصصهم اذا سنحت الفرصة؟؟؟



هذا الاستفتاء سيساعد على معرفة ذلك...



الرجاء ذكر السبب والاقتراحات والتصويت.....

موضوع جميل جدا ومهم النقاش فيه
الكثير من الطلاب عند سؤاله ليش سجلت بتخصصك يجيب هاد الي طلعلي او هيك ابوي بده وقد لا يذكر انه لا يحب تخصصه وربما يجيب اني احب هذا التخصص وعند النظر الى الحقيقة يكون عكس ذلك والمشكلة تكمن في عدم معرفة الطالب ما يحب من الاساس وهذا يرجع الى البناء التعليمي التلقيني من بداية التعلم في المدرسة وعدم البحث عن نقاط القوة منذ الطفولة والباحث في موضوع الذكاء يستطيع ان يدرك مدى تاثر الابداع بالاحباط الناتج عن الاجبار على تخصص او الضياع بين التخصصات المختلفة وتعلق التخصصات بشكل عام على المعدل التحصيلي .
وما يثبت حب الطالب لتخصصه هو التفوق في مواد التخصص بشكل ملحوظ والقدرة على الابداع ضمن مجالات التخصص بشكل عام او خاص ....
وعلى اي طالب يود الدخول الى اي تخصص قبل ان يبحث عن توافر مجال العمل للتخصص عليه ان يبحث عن القدرات والميول والتوجه ونقاط الذكاء بموضوعية تامة بعيدا عن النظرة الجتماعية ورغبة الاهالي او اسم التخصص .. وبعد ذكل تكون عملية اختيار التخصص عملية ناجحة لا يترتب عليها كره التخصص .

وشكرا لطرح مثل هذه المواضيع

شكرا اخ al_agha على اطرح الجميل ...وهذا موجود وملحوظ بين الطلاب ويجد قصص غريبة لاختيار التخصص منها قصتي>>>فقد اخترت نفس تخصص فتاة كنت احبها في قسم اللغة الانجليزية وهو ما كنت استبعده كليا عن تفكيري ولسخرية القدر لم تدم العلاقة سوى سنة ...وزي ما بقولوها اطبلت في التخصص وهيني ماشي فيه.....

هاد زي ما بيقول المثل

......يا ماخدة القرد على ماله بكرة بيروح المال وبيضل القرد على حاله....

بس تخصصك ان شاء الله كويس

ههههههههههههههههههههه حلوة فعلا صحيح
بس مع ذلك انا حبيت التخصص وهيني ماشي فيه

انا بالنسبة الي مش حابة تخصصي بس اهلي اجبروني علية

طيب حاولي تقنعي اهلك وتحولي احسنلك اذا انت مش حابة التخصص اعملي اضراب عن الطعام مثل او عن الدراسة ا

يا بش مهندسة انا من راي الاخ
al_agha
يعني اذا مو حابة التخصص ما راح تمشي فيه فاختصري على حالك الطريق
وفي طريقة مضمونة واسهل من الاضراب عن الاكل

احملي الفصل كلة ماتحري محاضرات وما تنجحي ولا بماده ههههه هيك بقتنعو اهلك انك مش فالحة بالهندسة هههههه

انا مش راضي كتير بس بقدر امشيي فيه

والله موضوع رائع .......اليوم لازم انو تكون النا شخصيتنا وقرارنا
وملازم نرضى باشي مو مقتنعين فيه مهما كان الثمن
وانا عنجد راضية 100% بتخصصي وبتمنى الله يوفقني فيه.....

<<لا أرضى الا بتفوق>>

مرحبا للشباب والصبايا
كيفكم على فكره انا مش من طلاب جامعة الحسين درسة بجامعة الاردن التطبيقه في عمان وكان نفسي ادرس بجامعة الحسين بس المعدل ما دخلني ايها على كل حال جامعة الحسين من احلى الجامعات الي شفتها بالاردن من ناحية الطلاب فيها والدكاتره طبعا مش الكل حسب ما بسمع بس والله انو ناقصيتها نظام القروبات للطلاب لاني ما شفت هل شي فيها وعلى فكره اذا بسير النظام هذا بخفف كثير من المشاكل الحاصله ما بين الطلاب واضن انتو فاهمين عن شو بحكي انا لما كنت بدرس كان القروب تبعنا 22شخص 15 بنت و7 شباب وكنا مثل الاخوان ولا زلنا


.......وشكرا اخوكم المعانـــــــــــــــــــــــي

مرحبا
انا اسف اني طلعت عن الفكره بس والله انا من راي ما في واحد راضي بحالو ولا اي طالب راضي بتخصصو مثلي دارس ادارة فنادق في البدايه كنتي بدي احول مش بس التخصص لا كل الجامعه بس لما شفت فرصة الوظيفه بتخصصي غيرت فكرتي ولاحظة انو الاغلبيه برجعو على الفنادق .................؟؟؟؟؟؟

اول شي شكرا بشير عالموضوع

انا خريجة جامعة الحسين بتخصص معلم صف حاسوب تعليمي
يمكن انتو ما سمعتو فيه لانه ما دام والطلاب اللي دخلو فيه كانو دفعتين فقط
طبعا في وقتها كان تخصص لاول مره بيتدرس بجامعه اردنيه يعني جديد طخ
وانا كنت حابيته كثيييييييييييييير
وعلاماتي الحمد لله كانت كويسه
بس المشكله انو لما تخرجنا ورحنا نقدم لديوان الخدمه كرهنا الجامعه والتخصص والدراسه كلها
لانه انصدمنا انه بديوان الخدمه ما في شي اسمه معلم صف حاسوب تعليمي
وبعد ما حكينا وانطرحت القصه وانكتبت بجريدة الدستور
توصلو لحل انهم يحسبونا مع معلم صف
فتخيلو مأساة انك تدرس مواد حاسوب وتتعب ويطلعو عيونك
وبالاخر كأنك يا ابو زيد ما غزيت
فنصيحه الكم كلكم حبو التخصص الي مع ميولكم بس كمان الي اله مستقبل وممكن تشتغلو فيه
لانه البلد مش ناقصها بطاله ومش ناقصها شهادات معلقه عالحيطان
زي ما صار مع اختكم متخرجه من 2006 وبتفرج عالشهاده وبتحسر
اسفه طولت عليكم بس من القهر اللي فيه
سامحوني

هلا والله بكل طلاب وطالبات جامعة الحسين بن طلال

لي عودة

سؤال حلو وتخصصي كمان حلو بس لو سمحتلي الفرصة كنت راح ادرس حقوق

عفكرة يا بشير أنا امبارح انضميت للمنتدى وعفكره أنا كنت بعرفك وبعرف اسراء كانت معي بنفس السكن لأني أنا أصلا كنت بدرس بجامعة الحسين بس الأقدار ما شاءت اني أكمل فيها مع اني حبيتها وحبيت تخصصي (ادارة مكتبات وتكنولوجيا معلومات) وهلأ أنا عم بكمل بنفس التخصص
بتمنالك التوفيق

راضي ولا مو راضي
اخرتك عالبيت
الا ازا بتطلع بتشتغل بغير الاردن
ساق الله وانا متخرج

الحمد لله راضية عن تخصصي واهلي تركو الي حرية اختيار التخصص
الحمد لله الحمد لله

انا كنت بحلم ان ادرس هندسة اطفاء وسلامه عشان هيك انا درست الفرع العلمي .
بس معدلي ما دخلني التخصص مع هذا انا سعيدة في تخصص المحاسبة
لانني ان شاء الله سوف اكون من الاوائل .

الي طلبةكليةالهندسةوالعلوم الكم عندي مفاجأه بتجنن وهي كتاب الفيزياء لسيروي مع كافةالحلول كامل